الجمعة، 31 يناير، 2014

كيكة بالتفاح والسميدة

السلام عليكم ورحمة الله تعالى وبركاته 


هاد الكيكة خدات اكبر  عدد من التطبيقات ماشاء لله 
كيفاش حتى توصلت لهاد الكيكة بويم وانا نتحدت مع امي بالهاتف عطاتني مقادير كيكة التفاح جاوبتها يا حبيبتي  كيكة التفاح شكون ميعرفها هههه قالت لي جربيها وردي علي ...
مني اغلقت الخط كيبان لي كاس سميد فالمقادير قلت معمرني جربتها بالسميد  على الفور طبقتها والنتيجة رااااااااااااااائعة الى الان  هي وصفة معتمدة 
وكل الشكر لصاحبتها الاصلية جارة امي زينوبة ربي يحفض ليها وليداتها 
طولت عليكم لكن من معزة هاد الكيكة الكلام خرج  ههههه 








2بيضات 


كاس  زيت

 كاس سكر

 كاس حليب

 فاني

 كاس دقيق

كاس سميدة

2تفاحات كبار

2خمارات كيماوين 7 غرام فالخمارة الواحدة 

 فاني حسب الرغبة

 الطريقة نخلطو جميع المقادير نعملوها بالمول تم نوضعو التفاح من الفوق 

ملاحضة الى جات خفيفة نضيفو ملعقة او 2 سميدة 

صدقوني كتجي راائعة كتحسي نفسك تاكلي البسبوسة بالتفاح















بالصحة والراحة

مهلبية باللوز والزبيب

السلام عليكم ورحمة الله تعالى وبركاته
وصفة صديقتي امونة الله يرزقها اللي فنيتها فالقريب 




المقادير 

نصف لتر حليب 

4معالق كبار ميزينا 

4 معالق كبار سكر او حسب الدوق 

كاس صغير زبيب مفزك ومقطع رقيق 

كاس لوز مصلوق مفسخ ومطحون 

للتنسيم اما فاني او معلقة ماء زهر حسب الرغبة


الطريقة 
اول مرحلة نفزكو الزبيب ونقطعوه رقيق ونطحنو ايضا اللوز المصلوق مسبقا
نخلطو السكر ومايزينا ونضيفو الحليب نفيضوه غير يبان لينا عقاد الخليط نزولوه ونضيفو اللوز والزبيب ونحركو بسرعة ونعملوه 
بزليفات 








بالصحة والراحة 

رغيفات مقلين ومعسلين

السلام عليكم ورحمة الله تعالى وبركاته 

رغيفات مقلين راااائعين 
نتمنى يعجبوكم وتجربوهم 






المقادير 
كاس صغير زبدة مدوبة ومصفية 
كاس صغير ماء الزهر 
بيضة 
الدقيق حسب الخليط 
قبصة ملح 
راس معلقة خميرة كيماوية 
عسل 
سمسم محمر للتزين 
مايزينا (دقيق الدرة )
زيت للقلي 
ملاحضة 
يمكن استعمال كاس كبير









نجمعو المقادير الى ان نحصل على عجينة نقسمها الى كرتين او تلات كرات حسب الكمية نسرح كرة واحدة بالنشابة تم نضع دقيق الدرة / المايزينا كما هو واضح بالصور تم نبدا بلف العجين على بعضه تم نقسمه الى قطع 













نمددها جيدا تم نبدا بالقلي مباشرة بزيت سااخن على نار متوسطة 


 نضعها بالعسل مباشرة تم السمسم او اللوز المجروش 





مع حريرة مغربية يا سلام مممم 
بالصحة والراحة 

الأربعاء، 29 يناير، 2014

بيسكوي صابلي

 السلام عليكم ورحمة الله تعالى وبركاته 

بيسكوي لديد جدا نتمنى تجربوه 
اول ما شفت ا لطابع  عند اختي ام اسامة وايمان عجبني ومن حسن حضي لقيتو بمحل قرب بيتي الحمد لله 
وكل الشكر لاختي ام اسامة لولاها مكنتش ننتابه ليه 
الوصفة بطريقتي المعتمدة مع اضافات بسيطة 





المقادير 
2 بيضات 
125 غرام زبدة لينة 
2 معالق  كبار نشا 
كاس الا ربع زيت 
كاس الا ربع سكر اسمر بالنسبة لي عملت نصف كاس 
فلون اديال الاخوات بالدول العربية ممتوفرش عندهم يمكن ليهم الاستغناء عليه 
نصف خمارة كيماوية فئة 7 غرام 
تمر وكركاع /عين الجمل/ مهرمشين جيدا 
والدقيق حسب الخليط 
تجمع تم ناخد جزء نسرحه  / بالنسبة لي سرحته فوق غطاء الطاولة البلاستيكي 
المراحل واصحة بالصور 
 واي تسائل انا فالخدمة 


نخدم الزبدة والسكر جيدا حتى يصبح كريمي تم نضيف البيض الزيت النشا وبقية المقادير 







  استعملت السباتيل كي يسهل حملالحلوى  الى انية الفرن 











 هدا هو المرشم المستعمل 

بالصحة والراحة