الأحد، 16 فبراير، 2014

مافن كيك بحبيبات الشكلاط

 السلام عليكم ورحمة الله تعالى وبركاته 


اكيد كل ام عندها وصفة خاصة بالمافن لانو محبب عند الوليدات الصغار وحتى الكباار 
ليوم حبيت نشاركم طريقتي المعتمدة والحمد لله مكيخطانيش كل مرة كنغير فيه فالنكهات او الاضافات متل الفواكه  الجافة او شكلاط او مربى نتمنى يروقكم وتجربوه لوليداتكم 






المقادير 
3 بيضات 
كاس الا ربع سكر 
كاس الا ربع زيت 
كاس حليب 
يوغورت نكهة الفراولة خاص بالاطفال قياس 60 غرام
خميرة كيماوية فئة 15 غرام 
دقيق تقريبا 3 كؤوس الا ربع 
شكلاط حبوب  للزينة 
الطريقة واضحة بالصور ان شاء الله 
الفرن يكون سااااخن 

للتوضيح المافن لما تكون من مكوناتو الزبدة كتكون النتيجة افضل لكن بالنسبة لي كنفضل نتجنبها من اجل بناتي واللي حبات تعمل الزبدة كاس الا ربع نصفو زبدة ونصف الاخر زيت 










بالصحة والراحة 

السبت، 15 فبراير، 2014

مافن كيك بجوز الهند والحامض

السلام عليكم ورحمة الله تعالى وبركاته 

مافن كيك جوز الهند والحامض من المافنات المفضلة عندي 

نتمنى يروقكم وتجربوه 


يمكن ايضا تعملوه فمول كيك 




المقادير

2بيضات 
كاس الا ربع زيت 
كاس الا ربع سكر او حسب الدوق 
كاس الا ربع حليب 
الدقيق حسب الخليط تقريبا 2 كيسان 
كاس جوز هند (كوك)
2خمارات كيماوية فئة 7 غرام للواحدة 
حامضة محكوكة ونصفها معصور

الطريقة العادية لاي كيك 
الحرارة تكون معتدلة وبفرن ساخن مسبقا 
الصور توضح بالتفصيل  ان شاء الله 














بالصحة والراحة 

الأربعاء، 12 فبراير، 2014

حلوة باردة سهلة ولديدة

السلام عليكم ورحمة الله تعالى وبركاته



حلوة باردة سهلة وليدة نتمنى تروقكم 




المقادير 



نصف كاس دقيق 


نصف كاس سكر


كاس حليب 


4معالق كبار زبدة 


200مل قشدة طرية 


فاني

2معالق كبار كاكاو مر

علبة ونصف بيسكوي 


الطريقة ندوبو الزبدة تم نضيفو ليها الدقيق نحركو مزيان تم نضيف الكاكاو السكر وباقي 



المقادير نرجعوها فوق النار نخليوها لمدة دقيقة نحسو بيها تقالت شوية نتركو الخليط 



يبرد تم نضيفو البيسكوي مقطع


طراف صغار نحركو مزيان ونوضعوها بصينية مفرشة بورق الفرن نرشو قطع من 


اللوز مهرمش او الكركاع من الفوق وندخلوها للتلاجة تبرد لمدة 3 ساعات او اكتر






ندوبو الزبدة تم نضيفو ليها الدقيق والسكر على نار مهيلة تم الكاكاو 





نضيفو الحليب والقشدة الطرية 





نبقاو نحركو حتى نحسوها عقادت شوية تم نضيف قطع البسكويت 




نوضعوه فوق ورق الفرن بانية تم  نرشو عين جمل // كركاع او لوز مهروش تم ندخلوه للبراد حتىيبرد ويشد فراسو 




نقطعوه حسب الرغبة 


بالصحة والراحة 

الثلاثاء، 11 فبراير، 2014

نجيمات بطريقتي

السلام عليكم ورحمة الله تعالى وبركاته



نجيمات معروفة بيهم منطقة اسفي 


عزازين عندي بزااف حبيت نشاركم طريقتي فتحضيرهم 

نتمنى يعجبوكم





ناخد الدجاج منقي ومغسول بالخل وسكنجبير والملح مزياان 

ونعملو بطنجرة الضغط او برمة خاصة بالكسكس / 

تم نعمل 3 بصلات كبار مقطعين بشكل طولي + ابزار سكنجبير ملح خرقوم بلدي

 الزعفران الحر قبطة مربطة قزبر ومعدنوس تم زيت الزيتون نخلي الكل يتشحر على 

نار مهيلة






نعمل الزبيب بكيس غدائي ونعقدو ونتقبو بابرة باش يخرج الهواء هدي كتبقى طريقتي 

الخاصة نعرف انو غير صحي نعمل البلاستيك يطيب لكن كتجيني سهلة انتو تقدرو 

متعملوهاش نروي بالماء دافئ ونتركو يطيب مزياان





نحرك النجيمات بزيت الزيتون + ملح ونضعه بالكسكاس الخاص بالبخار







نزيله تم نسكب كاسين من الماء ونتركه يتشرب نصفيه ونعيد وضعه بالكسكاس







هنا الدجاج والبصل زولتوهم من الة الضغط وخليت غير المرق باش نطيب فيه 
النجيمات



وضعت النجيمات بالمرق وضفت السمن وخليتهم يطيبو مزياان الى 

بان ليكم انهم مطابوش يمكن تضيفو الماء وتسدو عليهم

بالنسبة لي نفضل يطيبو فنفس الماء لان مني كنضيفو ماء جديد 

كيفقد اللدة ديالو 




هنا كيف تلاحضو طابو النجيمات وتشربو مزياان 
كنعملوهم بطبق التقديم ونضيفو الدجاج والزبيب وتقدر تزينو حسب الرغبة 









نتمنى الوصفة تروقكم وتجربوها ان شاء الله 
دعواتكم لي ولعائلتي بدوام الصحة وتيسير الامور ولكم بالمتل ان شاء الله 

الأحد، 9 فبراير، 2014

خبيزات وضفيرة بالنوتيلا

السلام عليكم ورحمة الله تعالى وبركاته 


خبيزات  بالنوتيلا راائعين نتمنى الوصفة تروقكم وتجربوها بادن الله 




 المقادير 
-400 غرام دقيق 
-بيضة 
-نصف ملعقة صغيرة ملح 
-3ملاعق كبيرة سكر
- 3ملاعق كبيرة زيت 
40 غرام زبدة 
خميرة العجين الكمية تبقى  حسب الجو 
حليب لجمع الخليط 







الطريقة 
نجمعو الدقيق والبيض وباقي المقادير بالحليب الدافئ الا الزبدة اللينة نتركوها هي الاخيرة 
تدلك تم تترك تختمر جيداااا







نسرحوها ونقطعوها حسب الرغبة اما شكل دائري او مربع نعمروها بالنوتيلا تم نمرر فرشاة مبللة بالماء على الجوانب ونقفلها بالطرف الاخر جيداااا كي لا تنفتح بالفرن الطريقة واضحة ان شاء الله بالصور 



الحشوة تبقى حسب الرغبة 
عملت نوتيلا مربى البرتقال 




هاد المرحلة مهمة كي لا تنفتح بالفرن 



نضغطو عليها جيدا كيف واضح بالصورة 

 عملت من نصف العجين ايضا ضفيرة ملاتها بالنوتيلا وعين الجمل (الكركاع المهروش)







دهنت باصفر البيض والخل والسكر 

مباشرة الى الفرن لم اتركها تختمر مرة اخرى وكما تلاحضون هنا بمنتصف مرحلة الطهي العجينة لم تنفتح 

















بالصحة والراحة حبيباتي 
في انتضار تطبيقاتكن